في حلقة هذا الاسبوع من "مواويل وشعر" يتألق الربيع، وتشع ألوان الحياة مزهرة، وتنبعث عطور الابداع من بساتين الشعراء كاظم اسماعيل كاطع، وحسين حاتم مذكور، وكاظم آل جابر السماوي.
ومن ثمار هذا الربيع الشعري نقدم قصيدة (شجرة التفاح) للشاعر كاظم آل جابر السماوي:
گبل لاتسرج خيولك علي وتغير
اصيرللك صهيل بحلگ كل تفگه
وگبل لاتلكز برمحك جسد نحلان
جرح گلبي ركض والجيتك اتلگه
وگبل لاتسن سيفك رگبتي تلاگيك
ملگه ام الغريب الرد بعد فرگه
وگبل لاتگص راس الشوگ اگلك طاح
ونظراتك حوافر گامت تسحگه
من روحي العليله اهوايه اغار اعليك
اخافن تشهگ اعله ازلوفك ابشهگه
واذا هذا الهوه المر بيك گام ايعيل
اگطعه اعله البشر وبچفي اسد حلگه
افزلك بالگبر واتمغط الها اسيوف
اگومن بالچفن ودموعك اتشگه
يا اخر امل واخر عرس للروح
كل دگه ابدليلي اتصير الك صفگه
امد اچفوفي الك واطلعلك اويالروج
اوج وعشر اصابع شمع معتلگه
تصرخ دمعتي وتتحلم بجيثوم
.ومرافس تظل وظنوني مختنگه
بسمة خوف تنطر رحمة السياف
لا يكفر عليها وحالته متنگه
خل نضوي بثلجنه ونوج تالي تالي الليل
وبحر الحب دمع ومحابب انغرگه
احترگ غصن الامل وانا ابطرگ هالعود
.واتعكز جرح واتربه للملگه
ياغابة رماح وكلبي بيهه احتار
ورموشك شرك والمعتني اتعوگه
يا طيب عسل منحلك وسط اسيوف
والسان الجروح ايريدك اتضوگه
خل تشفه وتجيك وكل جرح شوباش
واتطشر فرح بعيونك الزرگه
عطش ورده الكلب بس انت غيمة نار
وذب هدمه وحظنهه ونارك اتشبگه
رد اعله الچفن گلبي و جرح جناز
ذب جلده وغفه متانيك ويشگه
كافر يا گلب ذنبك تظل عريان
ومن الجنه تطلع وانت بس ورگه
حذرناك تگرب شجرة التفاح
بس طبعك عنيد تريد بس تشگه
المزيد في الملف الصوتي.
ومن ثمار هذا الربيع الشعري نقدم قصيدة (شجرة التفاح) للشاعر كاظم آل جابر السماوي:
گبل لاتسرج خيولك علي وتغير
اصيرللك صهيل بحلگ كل تفگه
وگبل لاتلكز برمحك جسد نحلان
جرح گلبي ركض والجيتك اتلگه
وگبل لاتسن سيفك رگبتي تلاگيك
ملگه ام الغريب الرد بعد فرگه
وگبل لاتگص راس الشوگ اگلك طاح
ونظراتك حوافر گامت تسحگه
من روحي العليله اهوايه اغار اعليك
اخافن تشهگ اعله ازلوفك ابشهگه
واذا هذا الهوه المر بيك گام ايعيل
اگطعه اعله البشر وبچفي اسد حلگه
افزلك بالگبر واتمغط الها اسيوف
اگومن بالچفن ودموعك اتشگه
يا اخر امل واخر عرس للروح
كل دگه ابدليلي اتصير الك صفگه
امد اچفوفي الك واطلعلك اويالروج
اوج وعشر اصابع شمع معتلگه
تصرخ دمعتي وتتحلم بجيثوم
.ومرافس تظل وظنوني مختنگه
بسمة خوف تنطر رحمة السياف
لا يكفر عليها وحالته متنگه
خل نضوي بثلجنه ونوج تالي تالي الليل
وبحر الحب دمع ومحابب انغرگه
احترگ غصن الامل وانا ابطرگ هالعود
.واتعكز جرح واتربه للملگه
ياغابة رماح وكلبي بيهه احتار
ورموشك شرك والمعتني اتعوگه
يا طيب عسل منحلك وسط اسيوف
والسان الجروح ايريدك اتضوگه
خل تشفه وتجيك وكل جرح شوباش
واتطشر فرح بعيونك الزرگه
عطش ورده الكلب بس انت غيمة نار
وذب هدمه وحظنهه ونارك اتشبگه
رد اعله الچفن گلبي و جرح جناز
ذب جلده وغفه متانيك ويشگه
كافر يا گلب ذنبك تظل عريان
ومن الجنه تطلع وانت بس ورگه
حذرناك تگرب شجرة التفاح
بس طبعك عنيد تريد بس تشگه
المزيد في الملف الصوتي.
