تفوح من قصائد حلقة هذا الأسبوع من برنامج (مواويل وشعر) رائحة العنبر الجنوبي والقصب المبلل بدموع الأمهات الجنوبيات.. لا لأنها تنتمي لعطر الجنوب وأرضه وروعته فحسب، بل لأن هذه القصائد جنوبية فعلاً، ومترعة بشاعرية الجنوب العراقي التي لا يختلف عليها أثنان قط.. فقصائد مثل (طبعت أباب رمشك) للشاعر الديواني ياسر الديواني، و (يل مالك جذر) للشاعر العماري سعد محمد الحسن، و (قارنتك علي) للشاعر نهاد الخيكاني، هي قصائد مشعة بوهج العراق أولاً، وبعطر الجنوب ثانياً..
طبعت أباب رمشك..
ياسر الديواني
------------------------
طبعت اباب رمشك احلى نظرات
حد نظراتي كسر حتى بابك
وردت بس مرة تنظر لية واتحن
ماحنيت ابد حضرة جنابك
غيرك صح شفت بس انت جذاب
ومن ابعيد احس يصطر حجابك
من اوصل الك تتلعثم هواي
واشوفك تفقد بسرعة صوابك
حبيتك نعم بس عندي اشكال
لحد الان ما اعرف جوابك
اشمالك تبتعد من اقترب ليك
وتعذبني بقصد واجرع عذابك
اذا غيري يحبك كول لتخاف
ماريدن احب واعشك سرابك
موصوجك ابد صوج الوكت يفلان
من دون البشر نص قلبي جابك
------------------------------------
يل مالك جذر ..
سعد محمد الحسن
---------------------
يل مالك جذر ، لاتزعل وية الريح
خافنك بهويه وتنشلع سكتة
طيح علة الهوى وحب ايدة من يغتاض
خاوي انت وبعد ما بيك كل عتة
علي تضحك يخايب وانه علو الغيم؟؟
على ادموع الفرح هم تضحك النكتة
يبو جناح الشمع متعلي وين اتريد ؟
تدگ باب الشمس چنك ، غشيم انت
ويبو سنون الخشب لا تعض چف النار
طفو سنين الخشب لو هفته وكتة
ويبو زنودالرمل لتلاوي زند السيل
وعناكيد الصخرگبلك غدن تحتة
على الماي الضحل يتونس التمساح
ويفرح بالوحل لمن يمد خشتة
وعلى موت الشمس يتنومس الخفاش
وعلى الهندس اهدومة عيب ماخذتة
طميع الاخطبوط وعندة ميت اذراع
لچن وكت المزامط ماله جفلتة
المبرد صح خشن وناعمة خدود السيف
لچن ياهو الركاب انشكلت بذمتة ؟
يبو درزن وجوه استهلكن بالسوم
وعلى باب الخجل اخر وجه عفته
بعد مالك عيون وتنكسر باللوم
ولا عندك وجه حتى تعرگ گصتة
صحيح انت ضخم بس مو ضخامة روح
ضخامة كركدن بلوة ابتله بجثته
الگمگم صح جبيرودلتا لاذت بيه
لچن غصبن يدنگ راسه للدلتا
وصحيح السيسبان يلوذ بيه الياس
لچن ياهو صواني العرس عازمته ؟
وصحيح الاثل عالي وفيه فوگ التين
لچن ياهوالچفوف توسلت سلته
وصحيح الجوري نام بمنة الصفصاف
لچن ياهو الخشوم تعنت الشمته ؟
دخان المزابل يطم عين الكون
لچن عود البخورالحلفوا ابخته
ود العامري ارهه من ابو الحسنين
لچن ياهو اليلوذ المذنب بگبتة ؟
وياهو الي ضربته تعادل الصوبين ؟
وياهو العل صراط يعبر بذمتة
الفراش يطيرمفرد والجراد اسراب
لچن ياهوالحدايق تحتفي بلمتة ؟
فوگ من الخشم متعلي عرش العين
لچن تصرخ دمع لو سمعت بطگته
مترهي الجبل بسما تعافه بيوم
ولا شالت خشمهه على السفح قمتة
لا تغرك سكتي كون خلگي يطول
البحر يكتل بصوتة ويرهب بصمتة
ولا يغرك مچانك كون عالي اتصير
شما يعلة النخل ينشف گبل وكتة
ولا تغرك زنودك كون مفتولات
ابو فاضل سحكها بلا زند تحته
ولا تغرك حرثتك كون سهلة اتصير
العلاس ابن عمي الما حفظ عمتة
ابن عمي صدك لچن خاله الذيب
اذا اتذيب الخال شترجة منه اخته
علي دلى الحرامي وجابة نص الليل
اجه وياه ايتختل نمت كل ضنته
على الخيبة يتشلبه ضنته واطي السور
وحسبالة يحوف ويترس الشمتة
وي اول جدم صحت انه ياهم ذول ؟؟
وي لمضة زمرهن من بهز صبته
استخطيت ابن عمي وادري بيه علاس
ومحد گالي ، بعين الظهر شفته
لاتعتب يگلبي ولا اچثر اللوم
كلمن طينتة وكلمن لبن درته
مر يوم بشبح متعدي من بعيد
وانت بسهم حقدك من بعد صبته
صبته بلا عرف وبلا عداوة وياك
ولمن ما گرب لنه الشبح انته
ياعدوة مرض تنتشرمثل الريح
حتى انت ابد ماسلم من انته
-----------------------------------
قارنتك علي ..
نهاد الخيكاني
-----------------
قارنتك علي وية اليحكمون
ولكيتك ياعلي مفرط بالاحكام
شني تحكم الدنية وعرشك بساط
وشني بجامع مقر القائد العام
وشني عود اليتيم يكظلك الباب
اليتيم يروح يسكن دار الايتام جاماعادهه وماكظلك الباب
كون بصدرة قنبر ساحب اقسام كلشي يصير مدري يفخخ البيت تحت مهرك يجوز يحطلك الغام
علي شعليك اذا بالشام جوعان دشبع ح**ك ونعلة ابو الشام
تكظي الليل تفتر ياعلي شبيك
السياسي الزين كون المغرب ينام بين الناس تخطب لا يبو حسين علي المفروض تخطب من وره الجام كثر نوك وطلع موكب وياك ونشر ع الدرب رماية اسهام
ناكة مظللة وتركبهه ابو حسين وعمار ابن ياسر كعده جدام خل مالك الاشتر كبلك يفوت يكطع سير كون الشارع العام
عقيل شراد منك حته تجوي
اخيك هاذ ظمة الظهرك حزام كبل ماكو دمج ودمجه مولاي علي سجلة سياسي بهدم الاصنام شعجب ولدك علي ماطلعو ايفاد
دزهم ع البحر يكظولهم عام دبرلهم عذر خلهم يصيفون بحجة مشو دوره بنشر الاسلام
علي تنطي الخبز تتلثم شبيك جا ماكشفت وجهك للاعلام
جا ماصار بينه الصار مولاي
وظل ياهو اليجي وكال انه ابو الثام
طبعت أباب رمشك..
ياسر الديواني
------------------------
طبعت اباب رمشك احلى نظرات
حد نظراتي كسر حتى بابك
وردت بس مرة تنظر لية واتحن
ماحنيت ابد حضرة جنابك
غيرك صح شفت بس انت جذاب
ومن ابعيد احس يصطر حجابك
من اوصل الك تتلعثم هواي
واشوفك تفقد بسرعة صوابك
حبيتك نعم بس عندي اشكال
لحد الان ما اعرف جوابك
اشمالك تبتعد من اقترب ليك
وتعذبني بقصد واجرع عذابك
اذا غيري يحبك كول لتخاف
ماريدن احب واعشك سرابك
موصوجك ابد صوج الوكت يفلان
من دون البشر نص قلبي جابك
------------------------------------
يل مالك جذر ..
سعد محمد الحسن
---------------------
يل مالك جذر ، لاتزعل وية الريح
خافنك بهويه وتنشلع سكتة
طيح علة الهوى وحب ايدة من يغتاض
خاوي انت وبعد ما بيك كل عتة
علي تضحك يخايب وانه علو الغيم؟؟
على ادموع الفرح هم تضحك النكتة
يبو جناح الشمع متعلي وين اتريد ؟
تدگ باب الشمس چنك ، غشيم انت
ويبو سنون الخشب لا تعض چف النار
طفو سنين الخشب لو هفته وكتة
ويبو زنودالرمل لتلاوي زند السيل
وعناكيد الصخرگبلك غدن تحتة
على الماي الضحل يتونس التمساح
ويفرح بالوحل لمن يمد خشتة
وعلى موت الشمس يتنومس الخفاش
وعلى الهندس اهدومة عيب ماخذتة
طميع الاخطبوط وعندة ميت اذراع
لچن وكت المزامط ماله جفلتة
المبرد صح خشن وناعمة خدود السيف
لچن ياهو الركاب انشكلت بذمتة ؟
يبو درزن وجوه استهلكن بالسوم
وعلى باب الخجل اخر وجه عفته
بعد مالك عيون وتنكسر باللوم
ولا عندك وجه حتى تعرگ گصتة
صحيح انت ضخم بس مو ضخامة روح
ضخامة كركدن بلوة ابتله بجثته
الگمگم صح جبيرودلتا لاذت بيه
لچن غصبن يدنگ راسه للدلتا
وصحيح السيسبان يلوذ بيه الياس
لچن ياهو صواني العرس عازمته ؟
وصحيح الاثل عالي وفيه فوگ التين
لچن ياهوالچفوف توسلت سلته
وصحيح الجوري نام بمنة الصفصاف
لچن ياهو الخشوم تعنت الشمته ؟
دخان المزابل يطم عين الكون
لچن عود البخورالحلفوا ابخته
ود العامري ارهه من ابو الحسنين
لچن ياهو اليلوذ المذنب بگبتة ؟
وياهو الي ضربته تعادل الصوبين ؟
وياهو العل صراط يعبر بذمتة
الفراش يطيرمفرد والجراد اسراب
لچن ياهوالحدايق تحتفي بلمتة ؟
فوگ من الخشم متعلي عرش العين
لچن تصرخ دمع لو سمعت بطگته
مترهي الجبل بسما تعافه بيوم
ولا شالت خشمهه على السفح قمتة
لا تغرك سكتي كون خلگي يطول
البحر يكتل بصوتة ويرهب بصمتة
ولا يغرك مچانك كون عالي اتصير
شما يعلة النخل ينشف گبل وكتة
ولا تغرك زنودك كون مفتولات
ابو فاضل سحكها بلا زند تحته
ولا تغرك حرثتك كون سهلة اتصير
العلاس ابن عمي الما حفظ عمتة
ابن عمي صدك لچن خاله الذيب
اذا اتذيب الخال شترجة منه اخته
علي دلى الحرامي وجابة نص الليل
اجه وياه ايتختل نمت كل ضنته
على الخيبة يتشلبه ضنته واطي السور
وحسبالة يحوف ويترس الشمتة
وي اول جدم صحت انه ياهم ذول ؟؟
وي لمضة زمرهن من بهز صبته
استخطيت ابن عمي وادري بيه علاس
ومحد گالي ، بعين الظهر شفته
لاتعتب يگلبي ولا اچثر اللوم
كلمن طينتة وكلمن لبن درته
مر يوم بشبح متعدي من بعيد
وانت بسهم حقدك من بعد صبته
صبته بلا عرف وبلا عداوة وياك
ولمن ما گرب لنه الشبح انته
ياعدوة مرض تنتشرمثل الريح
حتى انت ابد ماسلم من انته
-----------------------------------
قارنتك علي ..
نهاد الخيكاني
-----------------
قارنتك علي وية اليحكمون
ولكيتك ياعلي مفرط بالاحكام
شني تحكم الدنية وعرشك بساط
وشني بجامع مقر القائد العام
وشني عود اليتيم يكظلك الباب
اليتيم يروح يسكن دار الايتام جاماعادهه وماكظلك الباب
كون بصدرة قنبر ساحب اقسام كلشي يصير مدري يفخخ البيت تحت مهرك يجوز يحطلك الغام
علي شعليك اذا بالشام جوعان دشبع ح**ك ونعلة ابو الشام
تكظي الليل تفتر ياعلي شبيك
السياسي الزين كون المغرب ينام بين الناس تخطب لا يبو حسين علي المفروض تخطب من وره الجام كثر نوك وطلع موكب وياك ونشر ع الدرب رماية اسهام
ناكة مظللة وتركبهه ابو حسين وعمار ابن ياسر كعده جدام خل مالك الاشتر كبلك يفوت يكطع سير كون الشارع العام
عقيل شراد منك حته تجوي
اخيك هاذ ظمة الظهرك حزام كبل ماكو دمج ودمجه مولاي علي سجلة سياسي بهدم الاصنام شعجب ولدك علي ماطلعو ايفاد
دزهم ع البحر يكظولهم عام دبرلهم عذر خلهم يصيفون بحجة مشو دوره بنشر الاسلام
علي تنطي الخبز تتلثم شبيك جا ماكشفت وجهك للاعلام
جا ماصار بينه الصار مولاي
وظل ياهو اليجي وكال انه ابو الثام
