يتقدم الشعراء الشعبيون الشباب في العراق بشكل "مجنون" حتى أن وسائل الإعلام المعنية بنتاجاتهم تعجز أحياناً عن اللحاق بهم، وبخطراتهم السريعة نحو مناطق الإبداع والجمال.
والشاعر الشاب ضرغام العراقي إبن مدينة الديوانية المدمن على هوائها، وخصوبة ارضها، وجمال ناسها، والشعر، وقيم هذه المدينة العريقة، هو واحد من هؤلاء الشعراء الذين يتقدمون، بل يركضون بسرعة هائلة في مسعاهم الشعري نحو منصة الإبداع.
واليوم نقدمه في خلطة، او "كوكتيل" شعري جديد مليء بالصور، والمناخات، والتنقلات من جو الى جو، ومن وزن الى وزن، ومن رؤية الى أخرى. كما نذيع نص أغنية "الساعة متأخرة" التي قدمها الفنان الكبير كاظم الساهر.
بعد ماكوا وفه (بطاقات شعرية)
للشاعر ضرغام العراقي
*بعد ماكو وفه إلمَّن نوافي
نمسح بالدمع ونگول كافي
طلعو للأسف بس بالأسم عشاگ
نتعب والتعب للغير صافي
ونتعلم بعد منكون طيبين
ومن اليوم عدنه يصير وجهين
وحتى نتفق ياگلبي مانشتاگ
ونبدل السهر نوم العوافي
*شيصير لوطلقة غدر ابراسي تركض طايشة
وشيصير لو ميت أنه وامي الحبيبة عايشة
*تعبنة هذا الوطن كل يوم عنده جرح
ويصيحنة نخيطة
ولاهو غني لا فكَر
حيرَّنة شايل ذهب
واطفاله إبلاغطه
وكل هذا مايتعض
ويگول عندي ارض
وفوگاهة عندي علم
واحنة بلا خارطة
تعبنة
*مجنون واسولف وحدي وياك
بحيث اتخيلك وياي بالبيت
عد اهلك نعم
بس عايش وياي
وحتى افراش الك بالغرفة خلّيت
واتصور بعد من اشتهي الزاد
اعزل حصَّتك
وبجوعي ظلّيت
وانسهحتى اسمي من ينادون
ومن صاحوني باسمك(ها) ردّيت
ومن اطلع بعد للباب احتار
ماكو أحد وأحسك انت دگـّيت
*لا لاترد... خليني ذابحني البعد
واشتاگ لكن للأسف شوگي مثل صوتي يرد
لا لا ترد...خليني وحدي آنه احترگ
مابين چذبك والصدگ ضاعت لهفتي والعشگ
وحالي مثل حال النخل
مذبوح بسينـزف عثگ
واذكر چنت لمَّن تجي
واخجل چنت من الحچي
ومكسور خاطر ما ترد
لا لا ترد
ياطعم الوفه بملوحة السبعين..متكبرين
يا ثامن عجيبه وانتي ماتدرين!
بعيوني البشر كبرانه بالحظات
وانتي شماكبرتي بعمرچ اتزغرين..وهم تحلين
يالكلچ براءه من الجدم للراس
ويالطولچ نيافه وهم غـَـنج تمشين
*والله وكت طيبة تنكره
والله وكت ويصير ذكره
وبلا سبب وانته النسيته لليوم شاغل تدري فكره..والله وكت
*ياگلبي كافي چذب كل يوم وحدة تحب
اصحة الزمانك ولك
بالله ارد اسألك: ماتتعب من اللعب
*كافي سامحت وهواي الك عديت
واعذارك بعد بيهن ولا اقنع
إطلع من حياتي وسد وراك الباب
او روح امي احلفت صدگَني ماارجع
*وين الگاچ.. متفهميني وين الگاچ
مِبحرمن زمن يمته اوصل المرساچ؟
گتلي أموتن من اعوفك ومن عفتني مامتت!
وگتلي بس انته اشوفك هسه شوغيري شفت!
*بيَّهماتحِّس..من الصبر ملّيت
ومنحبك بعد گلي بعد شخفي
تظن اشتاگ الك لومرة عني تروح
والله اشتاگ لك لوتوگف بصفي
*هجم جيش الدمع واحتل الخدود
ورايات الحزن رفعتهه العيون
من شفتك أمس وي غيري صفّيت ايد بأيد تالي الليل تمشون
*أخيراً ايدك بأيدي حبيبي
أخيراً انت يا عمري نصيبي
شگد سهرنة شگد صبرنة الله ما ضيع تعبنه..أخيراً
*خربت من شفت جنحان عند الفيل
ومن شفت النوارس صارت ذيابه
وخربت من شفت مرَّه الأسد
مرعوب خايف ما طلع بالليل للغابه!
*يا كل شي بحياتي يا حلم دنياي
يا دمعة فرحتي بضحكة احزاني
يالحبك خرج عن طابع المألوف
من گد ما يحبك غار مني اني!
*مااحبّك چذب والله ذايب بيك
بس دوّر عليه بيك تلگاني
واذا هذه الاگوله تظن ابالغ بيه
تگدر تنسحب بس صعبه تنساني
وماگلّك چذب گبلك صدگ حبيت
بس يوم العرفتك صار شي ثاني
وتخيّل طفل يعرف يظم اسرار
تلگه البل گلب يركض على اللساني
*محتاج طيبة گلب مزروعه بين الناس
وياريت كل البشر ما فاقدة الاحساس
واتمنه اشوف الورد ينشم ولا ينداس
وترد سوالف امس حب ومحنه وهمس
وتطلع علينه الشمس وچف الصدگ ينباس
*على انقاض الدمع رممنه الخدود
أواعدنه الضحك بس ما لگانه
ماندري الفرح بس لهل القصور
لذلك يعتذر مامر واجانه
*حاير تظل لشوكت وعني تظل ابعيد
وبسب الحلم نلتقي وگلي الحلم شيفيد
اني ادري مامقتنع وتذوب مثل الشمع
اتريد يمي تجي ونفس الوقت مـتريد
*مااريد بابي تدگ .. تحرجني ما عندي
وما اريد عالارصفه الگه الصبح ولدي
ومااريد اعبر جسر..والگه مره اتجدي
وما اريد ابن الوطن يحلم لِبس جندي
وما اريد فارس چذب..مليت من الچذب
عبرن عليه گبل..بس هسه ما عبرن
ولا تبچي ما اقتنع..خبره صرت بالدمع
مكسور عدنه ظلع ويگلي لا عثرن
*تعالوا انحب بعضنه وننسه مافات
تعب حال الوطن من الخلافات
وحتى اطفالنة تعيش..وماتسأل بعد ليش
شرط گول وفعل..مو بس شعارات
*يحسدونه شكثر حسبونه عالعشاگ
ويگلولي شكثر من عدنه بگته
وگتلهم چذب بس بالأسم محبوب
ومتندم على يوم العرفَته
لأن طبع اليحب معروف عند الناس
صافن والحچي كلها بصفنته
وانت لا تحن لا مثلي هم تشتاگ
وقانون العشگ وحدك عزفته
موهيچ اليحب گلب اليحب ولهان
ولا گلب اليحب هم هيچ دگته
كل ساعه احترگ طافيني دمع العين
هم ترجع حضرتك ثاني وشعلته
ومثل عالم صرت بس تخترع الاعذار
ولعلمك نعم هسه افتهمته
بستانك حزن منه جنيت اهموم
ماجاني الفرح لايوم ضگته
*على هذه الگلب كِثره اليمرّون
وعيونك فقط بس انت باقي
وصحيح انت حلو وهواي عشاگ
لكن يختلف عشگ العراقي
والله يختلف عشگ العراقي
والشاعر الشاب ضرغام العراقي إبن مدينة الديوانية المدمن على هوائها، وخصوبة ارضها، وجمال ناسها، والشعر، وقيم هذه المدينة العريقة، هو واحد من هؤلاء الشعراء الذين يتقدمون، بل يركضون بسرعة هائلة في مسعاهم الشعري نحو منصة الإبداع.
واليوم نقدمه في خلطة، او "كوكتيل" شعري جديد مليء بالصور، والمناخات، والتنقلات من جو الى جو، ومن وزن الى وزن، ومن رؤية الى أخرى. كما نذيع نص أغنية "الساعة متأخرة" التي قدمها الفنان الكبير كاظم الساهر.
بعد ماكوا وفه (بطاقات شعرية)
للشاعر ضرغام العراقي
*بعد ماكو وفه إلمَّن نوافي
نمسح بالدمع ونگول كافي
طلعو للأسف بس بالأسم عشاگ
نتعب والتعب للغير صافي
ونتعلم بعد منكون طيبين
ومن اليوم عدنه يصير وجهين
وحتى نتفق ياگلبي مانشتاگ
ونبدل السهر نوم العوافي
*شيصير لوطلقة غدر ابراسي تركض طايشة
وشيصير لو ميت أنه وامي الحبيبة عايشة
*تعبنة هذا الوطن كل يوم عنده جرح
ويصيحنة نخيطة
ولاهو غني لا فكَر
حيرَّنة شايل ذهب
واطفاله إبلاغطه
وكل هذا مايتعض
ويگول عندي ارض
وفوگاهة عندي علم
واحنة بلا خارطة
تعبنة
*مجنون واسولف وحدي وياك
بحيث اتخيلك وياي بالبيت
عد اهلك نعم
بس عايش وياي
وحتى افراش الك بالغرفة خلّيت
واتصور بعد من اشتهي الزاد
اعزل حصَّتك
وبجوعي ظلّيت
وانسهحتى اسمي من ينادون
ومن صاحوني باسمك(ها) ردّيت
ومن اطلع بعد للباب احتار
ماكو أحد وأحسك انت دگـّيت
*لا لاترد... خليني ذابحني البعد
واشتاگ لكن للأسف شوگي مثل صوتي يرد
لا لا ترد...خليني وحدي آنه احترگ
مابين چذبك والصدگ ضاعت لهفتي والعشگ
وحالي مثل حال النخل
مذبوح بسينـزف عثگ
واذكر چنت لمَّن تجي
واخجل چنت من الحچي
ومكسور خاطر ما ترد
لا لا ترد
**** **** ****
*يا قبلة ترَف يا معبد الحلوين..متكبرينياطعم الوفه بملوحة السبعين..متكبرين
يا ثامن عجيبه وانتي ماتدرين!
بعيوني البشر كبرانه بالحظات
وانتي شماكبرتي بعمرچ اتزغرين..وهم تحلين
يالكلچ براءه من الجدم للراس
ويالطولچ نيافه وهم غـَـنج تمشين
*والله وكت طيبة تنكره
والله وكت ويصير ذكره
وبلا سبب وانته النسيته لليوم شاغل تدري فكره..والله وكت
*ياگلبي كافي چذب كل يوم وحدة تحب
اصحة الزمانك ولك
بالله ارد اسألك: ماتتعب من اللعب
*كافي سامحت وهواي الك عديت
واعذارك بعد بيهن ولا اقنع
إطلع من حياتي وسد وراك الباب
او روح امي احلفت صدگَني ماارجع
*وين الگاچ.. متفهميني وين الگاچ
مِبحرمن زمن يمته اوصل المرساچ؟
گتلي أموتن من اعوفك ومن عفتني مامتت!
وگتلي بس انته اشوفك هسه شوغيري شفت!
*بيَّهماتحِّس..من الصبر ملّيت
ومنحبك بعد گلي بعد شخفي
تظن اشتاگ الك لومرة عني تروح
والله اشتاگ لك لوتوگف بصفي
*هجم جيش الدمع واحتل الخدود
ورايات الحزن رفعتهه العيون
من شفتك أمس وي غيري صفّيت ايد بأيد تالي الليل تمشون
*أخيراً ايدك بأيدي حبيبي
أخيراً انت يا عمري نصيبي
شگد سهرنة شگد صبرنة الله ما ضيع تعبنه..أخيراً
*خربت من شفت جنحان عند الفيل
ومن شفت النوارس صارت ذيابه
وخربت من شفت مرَّه الأسد
مرعوب خايف ما طلع بالليل للغابه!
*يا كل شي بحياتي يا حلم دنياي
يا دمعة فرحتي بضحكة احزاني
يالحبك خرج عن طابع المألوف
من گد ما يحبك غار مني اني!
*مااحبّك چذب والله ذايب بيك
بس دوّر عليه بيك تلگاني
واذا هذه الاگوله تظن ابالغ بيه
تگدر تنسحب بس صعبه تنساني
وماگلّك چذب گبلك صدگ حبيت
بس يوم العرفتك صار شي ثاني
وتخيّل طفل يعرف يظم اسرار
تلگه البل گلب يركض على اللساني
*محتاج طيبة گلب مزروعه بين الناس
وياريت كل البشر ما فاقدة الاحساس
واتمنه اشوف الورد ينشم ولا ينداس
وترد سوالف امس حب ومحنه وهمس
وتطلع علينه الشمس وچف الصدگ ينباس
*على انقاض الدمع رممنه الخدود
أواعدنه الضحك بس ما لگانه
ماندري الفرح بس لهل القصور
لذلك يعتذر مامر واجانه
*حاير تظل لشوكت وعني تظل ابعيد
وبسب الحلم نلتقي وگلي الحلم شيفيد
اني ادري مامقتنع وتذوب مثل الشمع
اتريد يمي تجي ونفس الوقت مـتريد
*مااريد بابي تدگ .. تحرجني ما عندي
وما اريد عالارصفه الگه الصبح ولدي
ومااريد اعبر جسر..والگه مره اتجدي
وما اريد ابن الوطن يحلم لِبس جندي
وما اريد فارس چذب..مليت من الچذب
عبرن عليه گبل..بس هسه ما عبرن
ولا تبچي ما اقتنع..خبره صرت بالدمع
مكسور عدنه ظلع ويگلي لا عثرن
*تعالوا انحب بعضنه وننسه مافات
تعب حال الوطن من الخلافات
وحتى اطفالنة تعيش..وماتسأل بعد ليش
شرط گول وفعل..مو بس شعارات
*يحسدونه شكثر حسبونه عالعشاگ
ويگلولي شكثر من عدنه بگته
وگتلهم چذب بس بالأسم محبوب
ومتندم على يوم العرفَته
لأن طبع اليحب معروف عند الناس
صافن والحچي كلها بصفنته
وانت لا تحن لا مثلي هم تشتاگ
وقانون العشگ وحدك عزفته
موهيچ اليحب گلب اليحب ولهان
ولا گلب اليحب هم هيچ دگته
كل ساعه احترگ طافيني دمع العين
هم ترجع حضرتك ثاني وشعلته
ومثل عالم صرت بس تخترع الاعذار
ولعلمك نعم هسه افتهمته
بستانك حزن منه جنيت اهموم
ماجاني الفرح لايوم ضگته
*على هذه الگلب كِثره اليمرّون
وعيونك فقط بس انت باقي
وصحيح انت حلو وهواي عشاگ
لكن يختلف عشگ العراقي
والله يختلف عشگ العراقي
