ومضات لشعراء من انحاء العراق

تعال بكل وكت تلگاني موجود
بس كونك تجي مو ما تجيني
واذا ماجيتني هم تنحسب جاي
لأن موجود انته بوسط عيني

*** *** ***
ناذر للوطن عمري وانه الممنون
وابيع الروح بارخص لو نزل سوگة
طابوگة اشتريت وماخذت دبدوب
خفت يوم الوطن يحتاج طابوگة

*** *** ***
سكرت وگلت بلكي بسكري أنساك
صبيتك هموم بكاسي وشربتك
شربت الكاس كله وللچعب دگيت
حسبالي نسيتك بالچعب شفتك

*** *** ***
تريد الناس اسولف وآنه كلي هموم
خانگني الدمع ماأگدر احچي
إذا حته الدمع من شافني بهالحال
لبس أسود علية وگام يبچي