في "مواويل وشعر" هذا الاسبوع مأدبة شعرية دسمة تضم قصيدتين طيبتين الأولى (ياباب الحوائج ) للشاعر فلاح الزيدي. التي يتحدث فيها عن فضائل ومكارم الإمام موسى بن جعفر، والثانية قصيدة (القفــل) للشاعر الكبير سعد محمد الحسن.
يا باب الحوائج
يا باب الحوائج يا سفينة نوح
جزر حبك طويل ويصعد ويا المد
يراهب بيت ال المصطفى الاخيار
سجنك صار جامع بيه تتعبد
امقيد بالسلاسل وانت كلك فيض
كلي بيا حديد الفيض يتقيد
علمت السجن كل المعاني البيك
وسجانك جزع حد ما لكالك حد
كهف الغيض صدرك يلحويت الغيض
عجيبة اشلون غيض بصدر يتحدد
ابطن الحوت يونس ماحمل ايام
رغم ما جان حوته وياه يتودد
وانت سنين عمرك كضن عد الحوت
وحوتك بالعذاب وياك يتعمد
يوسف بالسجن والسجن سبع اعوام
بس لمن طلع علعالم اتسيد
وانت اخمسطعش واجاوزت كم عام
تالي عله الجسر مسموم وامدد
ايوب الصبر بيه اقترن مولاي
وانت الصبر منك كام يتولد
موسى من مصر غادرها ثمن سنين
وشوكه للاهل بيه كل وكت يشتد
وانت من الاهل محروم حد الموت
كلي اشلون ميت للاهل ينرد
يااطول سجود يسجله بالتاريخ
لو عدينه بيك ايتيه بينا العد
عدوك شاف قطعة من القصر علكاع
فوك اتراب سجنه بكل وكت تمتد
شافك وانذهل من جاوبوه عليك
عرف شنهو اليريده وبين المقصد
ماحدك سجن والسجن بيك احتار
وانت بكل كتر منصوبلك مشهد
هارونك تضعضع نزل لسفل ساف
وانت برغم سجنك علخلد تصعد
ياسفرة الحاجة وياهوة التعبان
نارك بالكلب هيهات ما تبرد
مثل مدعيت ربك هيجي ندعي وياك
لان سجين هارونك رجع وانحد
يل خلصت يونس من ظلام الحوت
خلصنه بجاه المصطفى الاحمد
يمخلص الجنين وهو بالارحام
خلص هلشعب من كل ظلم اسود
يل مخلص اللبن من بين هذا وذاك
خلص هلشعب من كل عدو اتمرد
القفــــــل
لا تقفل قفل وتحسبه مامون
اذا ترهم عليه كومة مفاتيح
ولا تتبع اثر بخدود الرمال
اذا جانت مطر ومسودنه الريح
ولا تعاشر بشر وتورجه بسرار
اذا ماي الحياء بكصته شحيح
ولتعاتب نخل ماحمل عثوك
خطيه النخل بركاب الفلاليح
اذا مركب شله وحب ايد الكياش
موصوج النهر صوج الملاليح
اذا شطك حطب وجروفه نيران
بعد تعتب عليمن علسوابيح
اذا جنحك شمع والشمس تتنخاك
موفشله لون ابابها اطيح
واذا كلك خشب وتصيحك النار
شحلاة الدم لون علموقف يسيح
العيد يجي بفرحة يوزع الناس
ونه حصتي التعب مثل المراجيح
من اصابعها يسيل الخير جروان
وتال البوه حصتها المراويح
ملح بعيونهن لا تغفه وتنام
لجن من تحترك تغفه المصابيح
وعلى الماي العذب ماهادت بيوم
لجن حضن الوصل عيد التماسيح
يا باب الحوائج
للشاعر فلاح الزيدي
يا باب الحوائج يا سفينة نوحجزر حبك طويل ويصعد ويا المد
يراهب بيت ال المصطفى الاخيار
سجنك صار جامع بيه تتعبد
امقيد بالسلاسل وانت كلك فيض
كلي بيا حديد الفيض يتقيد
علمت السجن كل المعاني البيك
وسجانك جزع حد ما لكالك حد
كهف الغيض صدرك يلحويت الغيض
عجيبة اشلون غيض بصدر يتحدد
ابطن الحوت يونس ماحمل ايام
رغم ما جان حوته وياه يتودد
وانت سنين عمرك كضن عد الحوت
وحوتك بالعذاب وياك يتعمد
يوسف بالسجن والسجن سبع اعوام
بس لمن طلع علعالم اتسيد
وانت اخمسطعش واجاوزت كم عام
تالي عله الجسر مسموم وامدد
ايوب الصبر بيه اقترن مولاي
وانت الصبر منك كام يتولد
موسى من مصر غادرها ثمن سنين
وشوكه للاهل بيه كل وكت يشتد
وانت من الاهل محروم حد الموت
كلي اشلون ميت للاهل ينرد
يااطول سجود يسجله بالتاريخ
لو عدينه بيك ايتيه بينا العد
عدوك شاف قطعة من القصر علكاع
فوك اتراب سجنه بكل وكت تمتد
شافك وانذهل من جاوبوه عليك
عرف شنهو اليريده وبين المقصد
ماحدك سجن والسجن بيك احتار
وانت بكل كتر منصوبلك مشهد
هارونك تضعضع نزل لسفل ساف
وانت برغم سجنك علخلد تصعد
ياسفرة الحاجة وياهوة التعبان
نارك بالكلب هيهات ما تبرد
مثل مدعيت ربك هيجي ندعي وياك
لان سجين هارونك رجع وانحد
يل خلصت يونس من ظلام الحوت
خلصنه بجاه المصطفى الاحمد
يمخلص الجنين وهو بالارحام
خلص هلشعب من كل ظلم اسود
يل مخلص اللبن من بين هذا وذاك
خلص هلشعب من كل عدو اتمرد
**** **** ****
القفــــــل
للشاعر سعد محمد الحسن
لا تقفل قفل وتحسبه ماموناذا ترهم عليه كومة مفاتيح
ولا تتبع اثر بخدود الرمال
اذا جانت مطر ومسودنه الريح
ولا تعاشر بشر وتورجه بسرار
اذا ماي الحياء بكصته شحيح
ولتعاتب نخل ماحمل عثوك
خطيه النخل بركاب الفلاليح
اذا مركب شله وحب ايد الكياش
موصوج النهر صوج الملاليح
اذا شطك حطب وجروفه نيران
بعد تعتب عليمن علسوابيح
اذا جنحك شمع والشمس تتنخاك
موفشله لون ابابها اطيح
واذا كلك خشب وتصيحك النار
شحلاة الدم لون علموقف يسيح
العيد يجي بفرحة يوزع الناس
ونه حصتي التعب مثل المراجيح
من اصابعها يسيل الخير جروان
وتال البوه حصتها المراويح
ملح بعيونهن لا تغفه وتنام
لجن من تحترك تغفه المصابيح
وعلى الماي العذب ماهادت بيوم
لجن حضن الوصل عيد التماسيح
