الراحل كاظم الرويعي أحد المع شعراء القصيدة الشعبية العراقية

في "مواويل وشعر" هذا الاسبوع، نستذكر وأياكم الشاعر الراحل كاظم الرويعي أحد ألمع شعراء القصيدة الشعبية العراقية، وواحداً من أروع من كتب النص الغنائي على طول وعرض الخارطة الغنائية العراقية. ومن أشهر قصائده، رائعته التي غناها المطرب الكبير فؤاد سالم

"يا عشگنه"

يا عشگنه...فرحة الطير...اليرد لعشوشه عصاري
ياعشگنه ايمد سوابيط العنـب ونحوشه عصاري
گاعنه فضه وذهب وأحنه شذرها
ياحلاة العمر لو ضاع ابعمرها
ياعشگنه....يا عشگنه

****

خذني للمرواح عود خذني سن ألمنجلك
ومن يشع ضي الخدود شمعه وبديرة هلك
اضوي ليام الحصاد الجايه
والبيادر كالجبال العالية
ماينه... أشطوط وسعد
وأنسامنه...أطيور وورد
گاعنه فضه وذهب واحنه شذرها
ياحلاة العمر لو ضاع ابعمرها
ياعشگنه.... ياعشگنه

****

أيدي وأيدك عالمساحي... ألدنيه تموز وشمس
وليلي اضوه من صباحي والوكت زفة عرس
اتطوف اغانينه ابشلبنه وهورنه
ولو سعينه الخير خـــيرايزورنه
آمالنه... اتطًگ بالشجر
وجبالنه...ابعلو الكمر
گاعنه فضه وذهب واحنه شذرها
واشحلاة العمر لو ضاع ابعمرها
ياعشگنه...ياعشگنه


للاستماع الى المزيد يرجى فتح الرابط ادناه