بمحبة باهرة، نكمل في هذه الحلقة من (مواويل وشعر) تقديم قصائد شعراء الكوت. فنكون قد أعطينا عبر حلقتين متتاليتين فكرة طيبة عن إبداع ومواهب هذه المحافظة الشعرية المتقدمة، لكي نستطيع القول بفخر، أن البرنامج نجح في تقديم كوكبة رائعة من شعراء الكوت الشباب، على أمل ان نواصل المسعى بإستمرار نحو إبداع عراقي آخر، وشعراء مبدعين آخرين من مختلف المحافظات العراقية.
امسية للشعر الشعبي في الكوت
فتعالوا معنا لنستمتع اليوم بقصائد الشعراء: حسن البدري، وسعد البكري، وسعد شريف، وعباس صحن العابدي، ولنمضي لحظات سعيدة مع الكلمة الجميلة، والإيقاع الشعري الباهر، والمواويل العراقية العذبة.
كـــلَّـــك غــــزل
أخاف أحچي غزل والغزل يزعل بيك
لان كلّك غزل من جدمك الراسك
وأريد اشتم عطر ما مر على العشاگ
وأنت العطر كلّه بشهگة أنفاسك
مقياس الجمال أيلوگ للحلوين
وأنت الحسن كلّه أبگدر مقياسك
تتيه احلوگهه لو حچت بيك الناس
يا سلطان أنت ابوسط جلاسك
لتصدگ حچي العشاگ هالايام
ترى تمثيل حبهم عوف وسواسك
أنت الحب إذا مات الوفه ابهاليوم
وأنت الصدگ حبك يظل وي ساسك
اتعب بالوصف لو ردت ابدي امنين
لن دجله أعله طولك تغفه بنعاسك
مجنون الخمر من بوستك سكران
لان طبعات شفتك تسكر بكاسك
عيونك شمس ليل وتتعب الشافوك
واثنين الحواجب هنّه حراسك
يبو خصر النحيل الشبه غصن البان
يا دافي الحضن والبرد ما جاسك
يحبر أرموشك وسبابة الأقلام
ومساحّه اللسان وجنه قرطاسك
يا ضحكه أمل مثل الفجر بالعيد
يا لون الزلال أبسّمة أضراسك
مدري امنين گلبگ والحنان البي
حمل اه وجرح وي حنة أعراسك
صورت الطبيعه الوان من أقواس
لن قوس وقزح من خيط أقواسك
يا نعمه وتفيض بطيبة الشطين
يالصابر تظل يعراقنه أبناسك
إرضــــه إبحالتـــك
بالك عالوهم تبنيلك أنت أمال
خايف تنصدم من تصحه عالواقع
أرضه أبحالتك وأتقبل المقسوم
ولا تبقى أعله غيرك عينك اتباوع
ولتگول أني وضعي فرق عن الغير
وصير بهذا وضعك قابل وقانع
لان تتعب أبعمرك لا تظن ترتاح
وتالي أتشوف نفسك حاير وضايع
مو حسبالك أنت الناس متساوين
وكلمن تشتكيله الشكوتك سامع
اكو واحد تشوفه أيعجبك امن أبعيد
ومن يحچي أبكلامه أمهذب ورائع
واكو واحد قريب وما تود ملگاه
ومتحس الگلب لمحبته أيطاوع
مو كلشي التريده عالمرام أيكون
دنيا وتلگه بيهه الضار والنافع
ظل صاحب كرامه ولا تطخ الراس
الحد الموت حد ما روحك أتنازع
وكتك ماله صحبه ولا تأمن بي
كل يوم أبشكل تلگاه إلك طالع
من توگع أبشده نادر ابهل يوم
تلگه إلي يجي وعن حگگ أيدافع
حتى التشتريه ابروحك وتفديه
على غفله الودادك بالرخص بايع
صير أبدنيتك صاحب مهابه وزود
وأتحده الزمن لتصير اله راكع
حرامات العمر تگضيه بس أوهام
والي يروح منّه إلك ما راجع
گتــــــلي إصحـــــه
گتلي أصحه
گتلك أنا بحد ضميري..أصحه لطلوع الفجر
وگتلي سافر
گتلك بديرة هلي اگضي العمر
وگتلي انگظك
گتلي أبروحي اظل اچبس صبر
وگتلي كلشي..وكلشي گتلي
ما أملاً لو توسدني الگبر
تبقه روحي
وصدّگ أبروحي أغيراً..فارس يطگ الفجر
اجدح بحافر مهرتي الگاع أوجنها شمس
يلله گوم اذبح وريدي
تخاف بالذبحه عرس
هلي من عز المشانق..گالو اتفز النفس
واني من عدهم خذتها..وصارت الروحي درس
وأنت هسه ادگلي أصحه
گلي يغفه اللي كبر بالروح جرحه
يلله گوم اكتب أعلمك..واكتب أبأول الصفحه
أني نار أشما توجني
اكبر بليلك نهار
ماني غافي
أنت غافي
وارد اگلك..يلله أصحه
چنــــــه وچنــــــت
يفلان..يلچنه وچنت..گلي شجاك أتبدلت
داريتك ابگيظ وشته..وعمري الك برخص ثمن خايب بعت
چا حسبت..چا فكرت
چا گلت رباني طفل..أيصير انكره امن كبرت
بهداي يا ولف الجهل..بهداي چم مره ازعلت
بهداي يمضيع العرف..بهداي يل بيه خنت
يا حيف دمعات الأمس وسنين بيهن ساهرت
يا حيف مشيات الدرب ياما سوالف سولفت
أهنا يمن چنه وچنت
يل عشت العمر وياي بالحيلات
يل مامش وفه أبطبعك ولا عندك محنه وذات
يل غشك كلام الناس ولا هزك تعبنه الفات
أريد اچوي الگلب وأنسى ولوّ هم بيّ ثلث چويات
بلكي أعيوني تنسى أمغازل الحلوين والحلوات
دلليتك يلي حبك كعبتي وبيهه طفت
أهنا يمن چنه وچنت گلي شجاك اتبدلت
اشگد ضحكنه وتالي بكلمه وحده احنه انتهينه
مر علينه
وشوف چويات اشكثر صارت بدينه
يلي من عدنه ايست اشتظن منك ايسينه
هواي دارينه سنابل بس تبن منهه حوينه
هواي غازلنا شفايف مثل شفتك ما لگينه
رد علينه
وخل اشوفك جرح گلبي اشوكح عينه
چنت أظن گلبك وگلبي اثنينهن من فرد طينه
وچنت أظن عندك دوانه أشما يخزن جرح بينه
ما دريتك طبع هارف يخاف لو طب الدينه
ما ديرت أبكلمه تنغش يلي ما هزك حزن گلبي وحنينه
ليش عيني يا حبيبي عني جافيت ورحت
أهنا يمن چنه وچنت
گلي شجاك اتبدلت
داريتك بگيظ وشته وعمري الك
برخص ثمن خايبت بعت
للاستماع الى القصائد افتح الرابط ادناه
فتعالوا معنا لنستمتع اليوم بقصائد الشعراء: حسن البدري، وسعد البكري، وسعد شريف، وعباس صحن العابدي، ولنمضي لحظات سعيدة مع الكلمة الجميلة، والإيقاع الشعري الباهر، والمواويل العراقية العذبة.
كـــلَّـــك غــــزل
للشاعـــر حســـــن البـــــدري
أخاف أحچي غزل والغزل يزعل بيك
لان كلّك غزل من جدمك الراسك
وأريد اشتم عطر ما مر على العشاگ
وأنت العطر كلّه بشهگة أنفاسك
مقياس الجمال أيلوگ للحلوين
وأنت الحسن كلّه أبگدر مقياسك
تتيه احلوگهه لو حچت بيك الناس
يا سلطان أنت ابوسط جلاسك
لتصدگ حچي العشاگ هالايام
ترى تمثيل حبهم عوف وسواسك
أنت الحب إذا مات الوفه ابهاليوم
وأنت الصدگ حبك يظل وي ساسك
اتعب بالوصف لو ردت ابدي امنين
لن دجله أعله طولك تغفه بنعاسك
مجنون الخمر من بوستك سكران
لان طبعات شفتك تسكر بكاسك
عيونك شمس ليل وتتعب الشافوك
واثنين الحواجب هنّه حراسك
يبو خصر النحيل الشبه غصن البان
يا دافي الحضن والبرد ما جاسك
يحبر أرموشك وسبابة الأقلام
ومساحّه اللسان وجنه قرطاسك
يا ضحكه أمل مثل الفجر بالعيد
يا لون الزلال أبسّمة أضراسك
مدري امنين گلبگ والحنان البي
حمل اه وجرح وي حنة أعراسك
صورت الطبيعه الوان من أقواس
لن قوس وقزح من خيط أقواسك
يا نعمه وتفيض بطيبة الشطين
يالصابر تظل يعراقنه أبناسك
*** *** ***
إرضــــه إبحالتـــك
للشاعــــر سعــــد البكــــــري
بالك عالوهم تبنيلك أنت أمال
خايف تنصدم من تصحه عالواقع
أرضه أبحالتك وأتقبل المقسوم
ولا تبقى أعله غيرك عينك اتباوع
ولتگول أني وضعي فرق عن الغير
وصير بهذا وضعك قابل وقانع
لان تتعب أبعمرك لا تظن ترتاح
وتالي أتشوف نفسك حاير وضايع
مو حسبالك أنت الناس متساوين
وكلمن تشتكيله الشكوتك سامع
اكو واحد تشوفه أيعجبك امن أبعيد
ومن يحچي أبكلامه أمهذب ورائع
واكو واحد قريب وما تود ملگاه
ومتحس الگلب لمحبته أيطاوع
مو كلشي التريده عالمرام أيكون
دنيا وتلگه بيهه الضار والنافع
ظل صاحب كرامه ولا تطخ الراس
الحد الموت حد ما روحك أتنازع
وكتك ماله صحبه ولا تأمن بي
كل يوم أبشكل تلگاه إلك طالع
من توگع أبشده نادر ابهل يوم
تلگه إلي يجي وعن حگگ أيدافع
حتى التشتريه ابروحك وتفديه
على غفله الودادك بالرخص بايع
صير أبدنيتك صاحب مهابه وزود
وأتحده الزمن لتصير اله راكع
حرامات العمر تگضيه بس أوهام
والي يروح منّه إلك ما راجع
*** *** ***
گتــــــلي إصحـــــه
للشاعــــر سعـــــد شريـــــــف
گتلي أصحه
گتلك أنا بحد ضميري..أصحه لطلوع الفجر
وگتلي سافر
گتلك بديرة هلي اگضي العمر
وگتلي انگظك
گتلي أبروحي اظل اچبس صبر
وگتلي كلشي..وكلشي گتلي
ما أملاً لو توسدني الگبر
تبقه روحي
وصدّگ أبروحي أغيراً..فارس يطگ الفجر
اجدح بحافر مهرتي الگاع أوجنها شمس
يلله گوم اذبح وريدي
تخاف بالذبحه عرس
هلي من عز المشانق..گالو اتفز النفس
واني من عدهم خذتها..وصارت الروحي درس
وأنت هسه ادگلي أصحه
گلي يغفه اللي كبر بالروح جرحه
يلله گوم اكتب أعلمك..واكتب أبأول الصفحه
أني نار أشما توجني
اكبر بليلك نهار
ماني غافي
أنت غافي
وارد اگلك..يلله أصحه
*** *** ***
چنــــــه وچنــــــت
للشـــاعر عبــاس صحن العابـــدي
يفلان..يلچنه وچنت..گلي شجاك أتبدلت
داريتك ابگيظ وشته..وعمري الك برخص ثمن خايب بعت
چا حسبت..چا فكرت
چا گلت رباني طفل..أيصير انكره امن كبرت
بهداي يا ولف الجهل..بهداي چم مره ازعلت
بهداي يمضيع العرف..بهداي يل بيه خنت
يا حيف دمعات الأمس وسنين بيهن ساهرت
يا حيف مشيات الدرب ياما سوالف سولفت
أهنا يمن چنه وچنت
******
بگلبي خيالك بات يل كلّك غوه..وطبعك طبع ورداتيل عشت العمر وياي بالحيلات
يل مامش وفه أبطبعك ولا عندك محنه وذات
يل غشك كلام الناس ولا هزك تعبنه الفات
أريد اچوي الگلب وأنسى ولوّ هم بيّ ثلث چويات
بلكي أعيوني تنسى أمغازل الحلوين والحلوات
دلليتك يلي حبك كعبتي وبيهه طفت
أهنا يمن چنه وچنت گلي شجاك اتبدلت
******
أشگد مشينه أشگد سوالف سولفينهاشگد ضحكنه وتالي بكلمه وحده احنه انتهينه
مر علينه
وشوف چويات اشكثر صارت بدينه
يلي من عدنه ايست اشتظن منك ايسينه
هواي دارينه سنابل بس تبن منهه حوينه
هواي غازلنا شفايف مثل شفتك ما لگينه
رد علينه
وخل اشوفك جرح گلبي اشوكح عينه
چنت أظن گلبك وگلبي اثنينهن من فرد طينه
وچنت أظن عندك دوانه أشما يخزن جرح بينه
ما دريتك طبع هارف يخاف لو طب الدينه
ما ديرت أبكلمه تنغش يلي ما هزك حزن گلبي وحنينه
ليش عيني يا حبيبي عني جافيت ورحت
أهنا يمن چنه وچنت
گلي شجاك اتبدلت
داريتك بگيظ وشته وعمري الك
برخص ثمن خايبت بعت
للاستماع الى القصائد افتح الرابط ادناه
