إخترنا في حلقة هذا الاسبوع من (مواويل وشعر) أربع قصائد، لأربعة شعراء مبدعين عراقيين من محافظة الكوت. محافظة الشعر، والحب، والمواهب الكبيرة.
أربع قصائد ندية كالورد، ودافئة كالمحبة، ومضيئة مثل ليالي العشق والشعر. ولا عجب في ذلك. فهي قصائد مكتوبة بعذوبة الشعراء "الواسطيين"، الذين ورثوا الشعر والعشق جيلاً بعد جيل.
إنها قصائد سمحة، زاهرة، للشعراء المبدعين عدي فريد، وأحمد سعيد، وأيمن الزرگاني، وزمن الحرگاني، وستليها حتماً قصائد أخرى لشعراء آخرين من الكوت أيضاً، سنواصل تقديمها عبر (مواويل وشعر).
ونترككم الآن لتستمتعوا بهذه الشاعرية، وهذا الفن الجميل، وبأريج الشعر العراقي الزكي.
ســوالـــف ليــل
يا حبيبي.. الدنيا سچه...وگاع ترويهه الفلح
تزعل وتشكي السماهه..والمطر يعلن صلح
ونت تدري الليل يزعل ..من يشگ زيجه الصبح
والصبح يعني القضيه
والقضيه تريد حب
حب مثل قرص الرغيف فاهي لومابي ملح
گلب اعيوني اشكثر تعرف سهرهه
وتعرف شهلت دمع عالمايمرهه
وتتستحي من اتشوفها اعيون الشماته
وتضحك وبيها الدمع روجه شكبرهه
الروح ترفه..توافي لليفهم هواها
ويعتلگ شمعه عمرهه
تفوت بدروب المحبه وتنجرح
تدري حتى الحب اذا مابي جرح..مابي ربح
الليـل كاتلته بسهرهه
وتدري ليلي شكد وكح
لن طبع روحي حمامه
شما تعت الريح بيها
چـتافها يخضر جنح
ياحبيبي وهاي دنيه
ومومهم ..بيهه الخسارة ولامهم بيهه الربح
جــــذع النخـــل
وصيت عالي السعف ينتظرك وللأسف ماشافك إمن إنتظر
ومن حرگتي بلاوعي ظليت أهزبالنخل بلكي الله يوگع خبر
جرحي بغيابك كبروغيرالنفس والنظر ما خلت أيامي
رايد وصف حالتي مرتين يفتر علي بفراگك حزامي
شافوني أعض الندم بس آنه موللندم عضيت إبهامي
عضيت أشوفن صدگ ليهسه جوه الجلد متواجده إعظامي
من عندك أتعلمت للليل أضم الدمع حتى اخلص إمن الناس
وشلون أخيطه الجرح ومن جرحي يطلع شفت وي دمي خضر الياس
ومن عندك أتعلمت أختار جذع النخل لو سگمت بابي
حتى بوكت عازتي بگد ما حمل للعطش يحمل جفه أصحابي
ومن عندك أتعلمت لو طيح ما صيح إلك وأنخاك بمصابي
شماتي تفزع إلي جف منتصر للسمه وجف ينكت إترابي
يسألـــــونــــي
يسـألوني وكلهم بالغلط مطعـون
لاگيلك عذر ما حـاجة تتعـذر
من كل كـتر انزف لا تگـلي اثـنيــن
انه بكل صـفنه منك طلـــعت خنجـر
الك كل العذر من طحت ما شـلت أيــد
چفك منخلــق لــوداع مـو أكــثر
جـنازة ومكـبرة وصوت أم ولد مكتول
أفــز كــابوس گـلي ومحـد أيفسـر
عشرتي ويه الزمن طلقة بحظن شاجور
ما تعرف سراهه الهــسه بس تنطـر
رسمتك جو مسية وشجرة يمهه أطـيور
ونفس الورقة گتلـك هاك وتصـور
راسملـي گبر مليان دم أتــريد
اگولـن عاطفـي وأتقــبل المنظـر
مو تاجر بضاعة وحتى أعوض الراح
ولهيهه أبجگارة الـروح من تخـسر
ما حاجة وطعنـتك من تهـد بالنار
بس انوي الكلب من وحـده يتكـسر
صح طحنه سوه بس نختلف بالموت
بينه النيـته مـوت وبينه يتحظـر
العاين عالجثـث ميُز الـراد أيمـوت
دمه أشگد نزف بس تلگه وجهه اصفر
عش گلب اليحب شايل محـنه وطيـب
مـرات الهـوه لـو مره يتفـطـر
مـو دخان يطلـع من قطـار أيروح
گلوب الناس هـاي الصعدت أتبخـر
قطــار الذاكــــرة
حقك تزعل انته الذنب موبيك
الگبلك گتله هم ماياخذ الراي
وموشرط افتهمني الراسه متروس
هوه متروس راسه ويعزف الناي
گطعت اچفوفي خاف أتسلم أعليك
وبعد ميهمني جاي بدربي ماجاي
وإذا ناوي انته ترحل عالاقل گول
اقل شي حتى أجيب اچفوفي وياي
شنو فضلك علي من غير الجروح
تريد بذيچ أذكرك رايد بهاي
من انكسر غصني وعندك أجناح
الغربان اجت يمي وانته ماجاي
أعديهن چنت چانن قليلات
بس هسه السوالف صارن أهواي
أذكرك مدري أنصحك حاير وياك
تريد احچيلك العندي بصراحه
إذا تمل صوت واحد لا تكتبه
لان بالورقه هم تسمع أصياحه
بصف مخنوﮒ لا تتنفس بصوت
لان صوت النفس يسلب الراحه
قطار الذاكره يطلّع بالإعزاز
ويجيب أجروح ماعده استراحه
الخاطر ﮒلبي اعوفك حتى يرتاح
اليودع الرمح يرتاحن اصفاحه
اليعطش دنيه عاف الخاطر الماي
هيج انه من أعوفك عدي راحه
أربع قصائد ندية كالورد، ودافئة كالمحبة، ومضيئة مثل ليالي العشق والشعر. ولا عجب في ذلك. فهي قصائد مكتوبة بعذوبة الشعراء "الواسطيين"، الذين ورثوا الشعر والعشق جيلاً بعد جيل.
إنها قصائد سمحة، زاهرة، للشعراء المبدعين عدي فريد، وأحمد سعيد، وأيمن الزرگاني، وزمن الحرگاني، وستليها حتماً قصائد أخرى لشعراء آخرين من الكوت أيضاً، سنواصل تقديمها عبر (مواويل وشعر).
ونترككم الآن لتستمتعوا بهذه الشاعرية، وهذا الفن الجميل، وبأريج الشعر العراقي الزكي.
ســوالـــف ليــل
للشاعر عـــــــدي فــريــــــد
يا حبيبي.. الدنيا سچه...وگاع ترويهه الفلح
تزعل وتشكي السماهه..والمطر يعلن صلح
ونت تدري الليل يزعل ..من يشگ زيجه الصبح
والصبح يعني القضيه
والقضيه تريد حب
حب مثل قرص الرغيف فاهي لومابي ملح
گلب اعيوني اشكثر تعرف سهرهه
وتعرف شهلت دمع عالمايمرهه
وتتستحي من اتشوفها اعيون الشماته
وتضحك وبيها الدمع روجه شكبرهه
الروح ترفه..توافي لليفهم هواها
ويعتلگ شمعه عمرهه
تفوت بدروب المحبه وتنجرح
تدري حتى الحب اذا مابي جرح..مابي ربح
الليـل كاتلته بسهرهه
وتدري ليلي شكد وكح
لن طبع روحي حمامه
شما تعت الريح بيها
چـتافها يخضر جنح
ياحبيبي وهاي دنيه
ومومهم ..بيهه الخسارة ولامهم بيهه الربح
*** *** ***
جــــذع النخـــل
للشاعر أحمــــــد سعيـــــــد
وصيت عالي السعف ينتظرك وللأسف ماشافك إمن إنتظر
ومن حرگتي بلاوعي ظليت أهزبالنخل بلكي الله يوگع خبر
جرحي بغيابك كبروغيرالنفس والنظر ما خلت أيامي
رايد وصف حالتي مرتين يفتر علي بفراگك حزامي
شافوني أعض الندم بس آنه موللندم عضيت إبهامي
عضيت أشوفن صدگ ليهسه جوه الجلد متواجده إعظامي
من عندك أتعلمت للليل أضم الدمع حتى اخلص إمن الناس
وشلون أخيطه الجرح ومن جرحي يطلع شفت وي دمي خضر الياس
ومن عندك أتعلمت أختار جذع النخل لو سگمت بابي
حتى بوكت عازتي بگد ما حمل للعطش يحمل جفه أصحابي
ومن عندك أتعلمت لو طيح ما صيح إلك وأنخاك بمصابي
شماتي تفزع إلي جف منتصر للسمه وجف ينكت إترابي
*** *** ***
يسألـــــونــــي
للشاعر أيمن الزرگاني
يسـألوني وكلهم بالغلط مطعـون
لاگيلك عذر ما حـاجة تتعـذر
من كل كـتر انزف لا تگـلي اثـنيــن
انه بكل صـفنه منك طلـــعت خنجـر
الك كل العذر من طحت ما شـلت أيــد
چفك منخلــق لــوداع مـو أكــثر
جـنازة ومكـبرة وصوت أم ولد مكتول
أفــز كــابوس گـلي ومحـد أيفسـر
عشرتي ويه الزمن طلقة بحظن شاجور
ما تعرف سراهه الهــسه بس تنطـر
رسمتك جو مسية وشجرة يمهه أطـيور
ونفس الورقة گتلـك هاك وتصـور
راسملـي گبر مليان دم أتــريد
اگولـن عاطفـي وأتقــبل المنظـر
مو تاجر بضاعة وحتى أعوض الراح
ولهيهه أبجگارة الـروح من تخـسر
ما حاجة وطعنـتك من تهـد بالنار
بس انوي الكلب من وحـده يتكـسر
صح طحنه سوه بس نختلف بالموت
بينه النيـته مـوت وبينه يتحظـر
العاين عالجثـث ميُز الـراد أيمـوت
دمه أشگد نزف بس تلگه وجهه اصفر
عش گلب اليحب شايل محـنه وطيـب
مـرات الهـوه لـو مره يتفـطـر
مـو دخان يطلـع من قطـار أيروح
گلوب الناس هـاي الصعدت أتبخـر
*** *** ***
قطــار الذاكــــرة
للشاعر زمـــــن الحرگــــانــــي
حقك تزعل انته الذنب موبيك
الگبلك گتله هم ماياخذ الراي
وموشرط افتهمني الراسه متروس
هوه متروس راسه ويعزف الناي
گطعت اچفوفي خاف أتسلم أعليك
وبعد ميهمني جاي بدربي ماجاي
وإذا ناوي انته ترحل عالاقل گول
اقل شي حتى أجيب اچفوفي وياي
شنو فضلك علي من غير الجروح
تريد بذيچ أذكرك رايد بهاي
من انكسر غصني وعندك أجناح
الغربان اجت يمي وانته ماجاي
أعديهن چنت چانن قليلات
بس هسه السوالف صارن أهواي
أذكرك مدري أنصحك حاير وياك
تريد احچيلك العندي بصراحه
إذا تمل صوت واحد لا تكتبه
لان بالورقه هم تسمع أصياحه
بصف مخنوﮒ لا تتنفس بصوت
لان صوت النفس يسلب الراحه
قطار الذاكره يطلّع بالإعزاز
ويجيب أجروح ماعده استراحه
الخاطر ﮒلبي اعوفك حتى يرتاح
اليودع الرمح يرتاحن اصفاحه
اليعطش دنيه عاف الخاطر الماي
هيج انه من أعوفك عدي راحه
