نستذكر وأياكم اليوم في "مواويل وشعر" واحداً من ألمع شعراء الكلمة الشعبية العراقية. وبلبلاً غريداً من بلابل العراق. وواحداً من أروع من كتب النص الغنائي على طول وعرض الخارطة الغنائية العراقية. انه زامل سعيد فتاح فإلاسم لايحتاج الى شرح وتعريف، ولا لمقدمة وتوضيح، إذ يكفي ان تقول حاسبينك، وإعزاز، وتكبر فرحتي بعيني، وياخوخ يازردالي، والمگير، وعشرات الأغنيات الجميلة، لكي تجد ألف من يدلك عليه. إنه زامل سعيد فتاح إبن الشطرة. وشاعر الأغنية العراقية الأول.
واليوم إذ نقدم واحداً من نصوصه الجميلة، فإننا نحاول فقط المرورعلى بستان هذا الشاعر الزاهر، لنشم سوية عطر ذلك الزمن الجميل. ولنرتوي من فراته العذب. فنأتي بواحدة من "چفافي" حبيباته.
تذكرني چفافيك...واحن لايام عشرتنه
واگوم اتعثر بجدمي
وألمِّلم كل دساكرنه
اهنا چنه وگعدنه..اهنا
تسامرنه وتعاتبنه
اهنا يم شاطيء الگصبات
تذكر من تعاهدنه
وبنينه عشوشنه ويه الطير
وعله البير بچفافي اخلاص طرزنه
يسمر والبيادر هاي
فيهن بيه غطنَّه
وتهلهل بنات اسهيل..اجتنه وعجنت الحنَّه
وآنه اليوم اجيت وحيد
وإتذكرت موگفنه
وتلگتني الطيور تصيح خلك وين ناشدنه
گلتلهن سگم ورفيف چلاي سيلنه
گالتلي يزامل هاي واحة وفه واحتنه
وكل خل الوفه الخلَّه يهننَّه ويزفنَّه
گلتلهن وَفي لاچن
وفاي بتبِن باعنَّه
بحشاشتي سهمك مضه
عمر قصيدة "بحشاشتي سهمك مضه"، التي كتبها الشاعر الكبير عبد الحسين صبره، مائة عام، لكنها لم تزل ندية عطرة خضراء مثل قلب فتاة عاشقة. وهي الذهب الذي لايصدأ، يتجدد بريقها كل يوم. نقدمها في هذه الحلقة من "مواويل وشعر" إستجابة لطلبات الكثيرين من الأحبة الذين يتابعون البرنامج:
بحشاشتي سهمك مضه
وعگبك علي ضاگ الفضه
اللي حضه ابوصلك حضه
والما حضه يا ولحض
حضه ردي او عمره اخسره
اللي الشخصك ما يره
جفني امعيي امن الكره
ما استلذ عگبك واغمض
ما غمض جفني او لانشف
دمعي او روه كل السلف
ما تم الي غير الاسف
متسلي بابهامي عض
عضي على حبك فرض
واللامني ماله عرض
لو نوخت نوگ الارض
ما اضن ابحملي تنهض
لا نهضت او لا شالته
ومدريت ولفي اشرادته
فضت الگيض امن الشته
هم هشكل حبنه انفض
فضت وحگ مكه او منه
وضلت الروح امدوهنه
انه العله راسه بنه
عش الغراب او بيض
بيض يولفي ابهامتي
والمحب حار ابعلتي
طالت اوعرضت قصتي
وبالصبر گمت اتمضمض
فضت يناهي خوتي
ونسيتني يا منيتي
اتدارك يولفي علتي
گبل ان اتطول او تعرض
عرضت يناهي واتسع
جرحي او دوه بي مانفع
ما صاب ايوب الوجع
مثلي او جسمه اتمرض
بالمرض مرمي والبشر
ياهو اليصد ليه ابتشر
رض الگزاز اعله الصخر
ضلعي يمدلول انرض
مرضوض ضلعي وانشچل
لساني او دنه مني الاجل
منك فلا اگطع امل
لمن ايلفني الابيض
الابيض ايلفني او لو طره
ذچرك اون تحت الثره
خليت روحي امحيره
يوم الذي ضعنك شظ
الشظنه ريته ابلا نسل
چي گطع حبلي المتصل
روحي شاوصفها مثل
سعفه ابهبوب او تختض
چالسعفه اختض او ارتعد
ايه وحگ اية الحمد
من اعرفت ناوي تصد
او عني اتغض طرفك غض
بحشاشتي سهمك مض
وفي التسجيل الصوتي أدناه للحلقة كاملة قصائد جميلة أخرى:
واليوم إذ نقدم واحداً من نصوصه الجميلة، فإننا نحاول فقط المرورعلى بستان هذا الشاعر الزاهر، لنشم سوية عطر ذلك الزمن الجميل. ولنرتوي من فراته العذب. فنأتي بواحدة من "چفافي" حبيباته.
تذكرني چفافيك...واحن لايام عشرتنه
واگوم اتعثر بجدمي
وألمِّلم كل دساكرنه
اهنا چنه وگعدنه..اهنا
تسامرنه وتعاتبنه
اهنا يم شاطيء الگصبات
تذكر من تعاهدنه
وبنينه عشوشنه ويه الطير
وعله البير بچفافي اخلاص طرزنه
يسمر والبيادر هاي
فيهن بيه غطنَّه
وتهلهل بنات اسهيل..اجتنه وعجنت الحنَّه
وآنه اليوم اجيت وحيد
وإتذكرت موگفنه
وتلگتني الطيور تصيح خلك وين ناشدنه
گلتلهن سگم ورفيف چلاي سيلنه
گالتلي يزامل هاي واحة وفه واحتنه
وكل خل الوفه الخلَّه يهننَّه ويزفنَّه
گلتلهن وَفي لاچن
وفاي بتبِن باعنَّه
*** *** ***
بحشاشتي سهمك مضه
للشاعر الكبير عبد الحسين صبره
عمر قصيدة "بحشاشتي سهمك مضه"، التي كتبها الشاعر الكبير عبد الحسين صبره، مائة عام، لكنها لم تزل ندية عطرة خضراء مثل قلب فتاة عاشقة. وهي الذهب الذي لايصدأ، يتجدد بريقها كل يوم. نقدمها في هذه الحلقة من "مواويل وشعر" إستجابة لطلبات الكثيرين من الأحبة الذين يتابعون البرنامج:
بحشاشتي سهمك مضه
وعگبك علي ضاگ الفضه
اللي حضه ابوصلك حضه
والما حضه يا ولحض
حضه ردي او عمره اخسره
اللي الشخصك ما يره
جفني امعيي امن الكره
ما استلذ عگبك واغمض
ما غمض جفني او لانشف
دمعي او روه كل السلف
ما تم الي غير الاسف
متسلي بابهامي عض
عضي على حبك فرض
واللامني ماله عرض
لو نوخت نوگ الارض
ما اضن ابحملي تنهض
لا نهضت او لا شالته
ومدريت ولفي اشرادته
فضت الگيض امن الشته
هم هشكل حبنه انفض
فضت وحگ مكه او منه
وضلت الروح امدوهنه
انه العله راسه بنه
عش الغراب او بيض
بيض يولفي ابهامتي
والمحب حار ابعلتي
طالت اوعرضت قصتي
وبالصبر گمت اتمضمض
فضت يناهي خوتي
ونسيتني يا منيتي
اتدارك يولفي علتي
گبل ان اتطول او تعرض
عرضت يناهي واتسع
جرحي او دوه بي مانفع
ما صاب ايوب الوجع
مثلي او جسمه اتمرض
بالمرض مرمي والبشر
ياهو اليصد ليه ابتشر
رض الگزاز اعله الصخر
ضلعي يمدلول انرض
مرضوض ضلعي وانشچل
لساني او دنه مني الاجل
منك فلا اگطع امل
لمن ايلفني الابيض
الابيض ايلفني او لو طره
ذچرك اون تحت الثره
خليت روحي امحيره
يوم الذي ضعنك شظ
الشظنه ريته ابلا نسل
چي گطع حبلي المتصل
روحي شاوصفها مثل
سعفه ابهبوب او تختض
چالسعفه اختض او ارتعد
ايه وحگ اية الحمد
من اعرفت ناوي تصد
او عني اتغض طرفك غض
بحشاشتي سهمك مض
وفي التسجيل الصوتي أدناه للحلقة كاملة قصائد جميلة أخرى:
