ثلاث قصائد، ونص غنائي، وعدد من الأبوذيات والأغاني الجميلة هي متاع رحلة "مواويل وشعر" في سفرته الشعرية التي سيختتم بها شهر رمضان، إستعداداً لحلقة خاصة بعيد الفطر. وقبلها نقدم الأمنيات الحلوة، والتبريكات الطيبة لكل محبي، ومتابعي "مواويل وشعر".
أولى القصائد الثلاث في "مواويل وشعر" هذا الاسبوع ستكون (كاسرتك) للشاعر مشير السعيدي، أما القصيدة الثانية فيه (إحترس مني) للشاعر جبار صدام، في حين تحمل القصيدة الثالثة عنوان (ربك صورك) للشاعر الراحل جبار الشدود.
أما النص الغنائي فهو (مآني نادم) وسيكون مسك ختام القصائد والمواويل.
الشاعر مشير السعيدي
كاسرتك عمر ناشف ولا نتّاگ
وي اسنين عمري اوثيِّعت بيَّه
ثاريَك ولاتسواش صم اتراب
دمع تمساح تبچي اوگَرصتك حيه
ورجتَّك عليَّه اوبين اديك اكتاب
تقراني وتورج الوادم إعليـَّه
لوليتك بديه اوليل يرضع ليل
تكبر يوم وازغر بيك يوميه
انعثِّل بيك ومبريَّد نحيل الحيل
بالصحره اوتگطع ليش رجليـه
انت العين گتلك من يرِّك الشوف
تفگسها إعله شنهي الچانت أُربيه
أهمِس چنت باذنك لو حچيت اوياك
حدر اذنك أمعلِگ شفتي ترچيـه
أجلِد روحي لجلك جلدت السجان
وانت اوياي تجلدني اعلى مابيه
موذنبك يغاتي الصوج باليهواك
يفطر للصيام ابعظم جريَّه
غشاني التهنكز والحچي المعسول
جول اتجول مشيك لعب چوبيه
تتطوه ومشيتك مشية الغرنوگ
اومن توگف اتصير ابعيني ملويه
ثاري إخشاله كلك .. معدنك فافون
ماينظف ضميرك خابط النيَّه
اشگف بيدي عنك طعنة العادوك
وانت ابظهري طاعن الف شِبريه
ابنهر تيزاب لو إغطك فلا يجليك
إسكت والسوالف خلها مطويه
ما أبريك ذمه ليوم يوم الدين
وانا ابشين فعلك ذمتي مبريَّه
إحترس مني
الشاعر جبار صدام
آنه بالنسبه إلك كلش فقير
آنه جامه وادري انت المازه
شلون مارايد تفصلني أصير
وهذا موفد شي صعب إنجازه
لكن اني بعزتي كلش چبير
وغير الله الروح ما معتازه
اني مثلك بشر مو عندك اسير
وبالنتيجه اثنينه ننشال فد إجنازه
احترس مني اذا وكتك يدير
واليجازي الناس هم يتجازه
آنه وانته اثنينه بنفس المصير
مثل طول قماش عند بزازه
وك لا تعوف النهر وتخاوي الغدير
ولا تصُّف الغاب ويه التازه
ولا تواعدني تلبسني حرير
وانته تتحسر گمت عالبازه
اشما اريدك تختمر تبقى فطير
وروحي صُبرتلك صبُر خبَّازه
ربك صورَّك
ربك صوَّر بوجهك علامه
اعله عينك سيف..واعله السيف شامه
انطاك، وساترك من شر العيون
الكريم وحاطك بسور السلامه
ودستر وجهك وداره اعله فرجال
مثل دورة بدر ليلة تمامه
وخذه الثغرك إمن إخيوط الشمس خيط
وطرز بين الشفاف ابتسامه
وجمع جيد الغزال وعين شاهين
وحسن طاووس وترِهدِّن حمامه
وظهر سدره .. وعذوبة ماي شلال
وخصر دله .. وترف ريشة نعامه
وهبوب عذيبي غبشه .. ونفحة ورود
ومحنَّة ناگه ومروة نشامه
وحلاوة كيك عيد .. ووهج ياقوت
وطراوة مَلمل .. وهيبة زعامه
هذن كلهن جمعهن ياترف بيك
اموت وقهر كاتلني مرامه
وتعمَد حتى بالدنيه احترگ بيك
ويحاسبني گبل يوم القيامه
ادناه رابط التسجيل الصوتي للبرنامج
أولى القصائد الثلاث في "مواويل وشعر" هذا الاسبوع ستكون (كاسرتك) للشاعر مشير السعيدي، أما القصيدة الثانية فيه (إحترس مني) للشاعر جبار صدام، في حين تحمل القصيدة الثالثة عنوان (ربك صورك) للشاعر الراحل جبار الشدود.
أما النص الغنائي فهو (مآني نادم) وسيكون مسك ختام القصائد والمواويل.
كاسرتك
للشاعر مشير السعيدي
كاسرتك عمر ناشف ولا نتّاگ
وي اسنين عمري اوثيِّعت بيَّه
ثاريَك ولاتسواش صم اتراب
دمع تمساح تبچي اوگَرصتك حيه
ورجتَّك عليَّه اوبين اديك اكتاب
تقراني وتورج الوادم إعليـَّه
لوليتك بديه اوليل يرضع ليل
تكبر يوم وازغر بيك يوميه
انعثِّل بيك ومبريَّد نحيل الحيل
بالصحره اوتگطع ليش رجليـه
انت العين گتلك من يرِّك الشوف
تفگسها إعله شنهي الچانت أُربيه
أهمِس چنت باذنك لو حچيت اوياك
حدر اذنك أمعلِگ شفتي ترچيـه
أجلِد روحي لجلك جلدت السجان
وانت اوياي تجلدني اعلى مابيه
موذنبك يغاتي الصوج باليهواك
يفطر للصيام ابعظم جريَّه
غشاني التهنكز والحچي المعسول
جول اتجول مشيك لعب چوبيه
تتطوه ومشيتك مشية الغرنوگ
اومن توگف اتصير ابعيني ملويه
ثاري إخشاله كلك .. معدنك فافون
ماينظف ضميرك خابط النيَّه
اشگف بيدي عنك طعنة العادوك
وانت ابظهري طاعن الف شِبريه
ابنهر تيزاب لو إغطك فلا يجليك
إسكت والسوالف خلها مطويه
ما أبريك ذمه ليوم يوم الدين
وانا ابشين فعلك ذمتي مبريَّه
*** *** ***
إحترس مني
للشاعر جبار صدام
آنه بالنسبه إلك كلش فقير
آنه جامه وادري انت المازه
شلون مارايد تفصلني أصير
وهذا موفد شي صعب إنجازه
لكن اني بعزتي كلش چبير
وغير الله الروح ما معتازه
اني مثلك بشر مو عندك اسير
وبالنتيجه اثنينه ننشال فد إجنازه
احترس مني اذا وكتك يدير
واليجازي الناس هم يتجازه
آنه وانته اثنينه بنفس المصير
مثل طول قماش عند بزازه
وك لا تعوف النهر وتخاوي الغدير
ولا تصُّف الغاب ويه التازه
ولا تواعدني تلبسني حرير
وانته تتحسر گمت عالبازه
اشما اريدك تختمر تبقى فطير
وروحي صُبرتلك صبُر خبَّازه
*** *** ***
ربك صورَّك
للشاعر الراحل جبار الشدود
ربك صوَّر بوجهك علامه
اعله عينك سيف..واعله السيف شامه
انطاك، وساترك من شر العيون
الكريم وحاطك بسور السلامه
ودستر وجهك وداره اعله فرجال
مثل دورة بدر ليلة تمامه
وخذه الثغرك إمن إخيوط الشمس خيط
وطرز بين الشفاف ابتسامه
وجمع جيد الغزال وعين شاهين
وحسن طاووس وترِهدِّن حمامه
وظهر سدره .. وعذوبة ماي شلال
وخصر دله .. وترف ريشة نعامه
وهبوب عذيبي غبشه .. ونفحة ورود
ومحنَّة ناگه ومروة نشامه
وحلاوة كيك عيد .. ووهج ياقوت
وطراوة مَلمل .. وهيبة زعامه
هذن كلهن جمعهن ياترف بيك
اموت وقهر كاتلني مرامه
وتعمَد حتى بالدنيه احترگ بيك
ويحاسبني گبل يوم القيامه
ادناه رابط التسجيل الصوتي للبرنامج
