قصيدتان جميلتان للشاعرين ضرغام العراقي، وغانم هاشم الفياض، مع نص غنائي جديد، هم جسر مودتنا لضفاف المحبة والإيمان، في شهر المحبة والإيمان، شهر رمضان الخير، والفرح..والإبداع، إذ ليس هناك أروع من الشعر جسراً بيننا وبين القارىء الكريم.
ضمير الحب
يا كل شي بحياتي يا أمل دنياي
يا دمعة فرحتي بضحكة احزاني
يالحبك خرج عن طابع المألوف
من كَد ما أحبك غار مني اني
عن هاي البشر واضح فوارق بيك
عنهم تختلف من قاس ميزاني
أنواع شكثر من العشكَ تعنيك
حب من نظره أوله ومن طرف ثاني
ولو ناسي بعد ذكرنه أترجاك
حتى يعتذرلك حتى وجداني
ما كَلك أودك لا ولا أهواك
ذايب بيك دور راح تلكاني
وما كَلك حلو ياعاطفي وشفاف
بس ممكن اكَلك انته تسواني
شاعر من صرت أنته السبب أبهاى
صايرلي بحر كل فكره بوزاني
يا أسمي الثلاثي واللقب وياه
يعني انته هويتي للليقراني
وما جامل أبد يشهد عليه الله
بس راي الكَلب تلكَاه على الساني
ما شايف شمس تطلع عليه باليل
ولا شايف كَمر من غبشه صحاني
يعني انته الوصف والوصفه والموصوف
ما يحتاج انته القاص والداني
تباً للعشكَ تاريخه لو ينساك
يا بلقيس بس بعين قباني
أتمنه العمر ما يعبر العشرين
ولا باچر يجي وتكَول ينساني
بس خاين أسف تالي طلعت وياك
طيفك من يمر سهران يلكَاني
الحب اعتقد يملك ضمير انسان
وثق لو ما ضميره نبقه انعاني
*** *** ***
دفنته بليل
اردن ردت المغلوب .. ارد مصيوب
ارد متيه اعيوني وعلى اعيوني السنين اتذوب
أنه اجم دوب
اظل انطرخيالك لو تمر بالطيف
حتى الطيف شح وشحت اطروشك علي فد نوب
ارد اتمرجح ابصبري
واحس الاّخ تلعب بالجروح الماتسد البوب
ارد اتعثر ابجدمي
واحس صبري سفينه اتبره السفان منها وكل ضلع معيوب
ارد احسب واحاسب واحجي وي روحي
روحي الماتشيل ذنوب
شيلي اذنوب ياروحي وانزعي الثوب
دفنته بليل..
ودعته واجيت بليل..
ياليل شصعب موت العزيزبليل
خنكني الليل
مثل فارس مهرته اتكسرت حدره وأجته الخيل
مثل ناهي وعمامه اتحزموا ضده
نشربه الموت لو باجر لزوم يشيل
مثل فلاح ساكي بدمه كيعانه واجاه السيل
مثل مركب يلاوي الريح وشراعه على اعناد اليريده ايميل
بجيت بروح بس ادموع ماصبيت
لان دمعي عزيز.. وتدري عالمهيوب موسهله الدموع اتسيل
تدري اشلون من عفتك كظيت الليل..؟
مثل مصيوب طاح وماغسل عاره
مثل مظيوف من ينباك خطاره
مثل ردت غريب العاد بعد اسنين رد.... وطردته ادياره
ومثل حزن الغروب وغربة السيباب
مات وحسرته يشوف عشاره
حزني اعليك.. حزن روج السواجي الماطفت ناره
وحزن شريان دمي الذلته انصاره
حزن روحي اعلى ساعه ايفوح
حزني اعليك
حزن ايمام من يغتاض من تنطرد زواره
وانه بلياك ادور عليدليني اعلى روحي ودمعي يتجاره
انه بلياك مثل العاف دربه وتيه افكاره
تدري اشلون من عفتك وصلت اشلون..؟
وصلت الديره ملفوف بحزن مهظوم
وادورمالكيت الناس
مامش ناس
واحس عكلي انشل مني
لان انته الفكر والراس
وشفت الديره مصبوغه بحزن طيره
وبيوت الرفاكه امسدده البيبان
ومامش ناس
وين الناس..؟
اثاريني دفنت وياك كل الناس
المزيد في الملف الصوتي أدناه:
ضمير الحب
للشاعر ضرغام العراقي
يا كل شي بحياتي يا أمل دنياي
يا دمعة فرحتي بضحكة احزاني
يالحبك خرج عن طابع المألوف
من كَد ما أحبك غار مني اني
عن هاي البشر واضح فوارق بيك
عنهم تختلف من قاس ميزاني
أنواع شكثر من العشكَ تعنيك
حب من نظره أوله ومن طرف ثاني
ولو ناسي بعد ذكرنه أترجاك
حتى يعتذرلك حتى وجداني
ما كَلك أودك لا ولا أهواك
ذايب بيك دور راح تلكاني
وما كَلك حلو ياعاطفي وشفاف
بس ممكن اكَلك انته تسواني
شاعر من صرت أنته السبب أبهاى
صايرلي بحر كل فكره بوزاني
يا أسمي الثلاثي واللقب وياه
يعني انته هويتي للليقراني
وما جامل أبد يشهد عليه الله
بس راي الكَلب تلكَاه على الساني
ما شايف شمس تطلع عليه باليل
ولا شايف كَمر من غبشه صحاني
يعني انته الوصف والوصفه والموصوف
ما يحتاج انته القاص والداني
تباً للعشكَ تاريخه لو ينساك
يا بلقيس بس بعين قباني
أتمنه العمر ما يعبر العشرين
ولا باچر يجي وتكَول ينساني
بس خاين أسف تالي طلعت وياك
طيفك من يمر سهران يلكَاني
الحب اعتقد يملك ضمير انسان
وثق لو ما ضميره نبقه انعاني
*** *** ***
دفنته بليل
للشاعر غانم هاشم الفياض تضمنت هذه الأبيات:
اردن ردت المغلوب .. ارد مصيوب
ارد متيه اعيوني وعلى اعيوني السنين اتذوب
أنه اجم دوب
اظل انطرخيالك لو تمر بالطيف
حتى الطيف شح وشحت اطروشك علي فد نوب
ارد اتمرجح ابصبري
واحس الاّخ تلعب بالجروح الماتسد البوب
ارد اتعثر ابجدمي
واحس صبري سفينه اتبره السفان منها وكل ضلع معيوب
ارد احسب واحاسب واحجي وي روحي
روحي الماتشيل ذنوب
شيلي اذنوب ياروحي وانزعي الثوب
دفنته بليل..
ودعته واجيت بليل..
ياليل شصعب موت العزيزبليل
خنكني الليل
مثل فارس مهرته اتكسرت حدره وأجته الخيل
مثل ناهي وعمامه اتحزموا ضده
نشربه الموت لو باجر لزوم يشيل
مثل فلاح ساكي بدمه كيعانه واجاه السيل
مثل مركب يلاوي الريح وشراعه على اعناد اليريده ايميل
بجيت بروح بس ادموع ماصبيت
لان دمعي عزيز.. وتدري عالمهيوب موسهله الدموع اتسيل
تدري اشلون من عفتك كظيت الليل..؟
مثل مصيوب طاح وماغسل عاره
مثل مظيوف من ينباك خطاره
مثل ردت غريب العاد بعد اسنين رد.... وطردته ادياره
ومثل حزن الغروب وغربة السيباب
مات وحسرته يشوف عشاره
حزني اعليك.. حزن روج السواجي الماطفت ناره
وحزن شريان دمي الذلته انصاره
حزن روحي اعلى ساعه ايفوح
حزني اعليك
حزن ايمام من يغتاض من تنطرد زواره
وانه بلياك ادور عليدليني اعلى روحي ودمعي يتجاره
انه بلياك مثل العاف دربه وتيه افكاره
تدري اشلون من عفتك وصلت اشلون..؟
وصلت الديره ملفوف بحزن مهظوم
وادورمالكيت الناس
مامش ناس
واحس عكلي انشل مني
لان انته الفكر والراس
وشفت الديره مصبوغه بحزن طيره
وبيوت الرفاكه امسدده البيبان
ومامش ناس
وين الناس..؟
اثاريني دفنت وياك كل الناس
المزيد في الملف الصوتي أدناه:
