هذا بياضك لو ثلج:
[هذا بياضك لو ثلج] نص غنائي جديد، ينتمي للنصوص الشعرية الغنائية الحديثة، فيه الكثير من "الشغل" والفنتازيا، واللعب باللغة، إذ تبدو جمالية اللغة الغنائية لامعة، وظاهرة بوضوح. إنه نص شعري مديني، يستحق أن يكون أغنية ذات مواصفات فنية وجمالية متقدمة، واليكم النص:
هذا بياضك لو ثلج نازل على روحي
وإمنين أجيت وفرهَدِت من بين أديٌ روحي
أضُمَك وين ..... ما أقنَع
إتغافل نفسك وتطلع
ما أثِق بيك إذا ترجَع
مو بس بيك .... ما أثق حتى أنَه بروحي !!
* * * *
جرَّبتك وما جَربَّت، شوگي بلا شوگك
ما دام شلتك بالجفِن .. من يگدر إيبوگك ؟
أضُمَك وين من عندك
إنت، وعاذلك ضدَّك
لا شباچ ونسدَّك
ولاروحك تبطِّل صدِگ.. وتعوف إلي روحي!!
* * * *
گدَّرِت طولك ، والشعَر ، وعيونك ، وخصرَك
وما أدري بيش أنشغَلِت .... ما گدَّرِت صبرَك
أضُمَك وين من عندي
ودَّك مو مثل وِدي
عشِگ يُگضي ... وعشِگ يبدي
وأنت مثِل ثلج الجبل .... صيف وشِته بروحي
هذا بياضك لو ثلج نازل على روحي ؟
وإمنين إجيت وفرهدِّت من بين أدي روحي؟
إبوذية وإبوذية:
في حلقة هذا الاسبوع من [مواويل وشعر] عدد من الإبوذيات الجميلة التي نقلت عن الشاعر الراحل عبد الصاحب عبيد الحلي. وشاعرنا الحلي من مواليد محلة جبران في محافظة الحلة، له دواوين عديدة، وآلآف المنظومات الشعبية في مختلف الأوزان، والبحور، والأغراض. وله قصائد وطنية كثيرة، كما له مساجلات شعرية في مجال الإبوذية، والزهيري، والقصيدة. ولعل ابرز واشهر مساجلاته كانت مع الشاعر اللامع المرحوم عبد الحسين صبرة، والمرحوم محمد الرشادي، والمرحوم عبد الحسين أبو شبع، والمرحوم هادي القصاب.
ندعوكم للاستماع الى الملف الصوتي للبرنامج لان فيه الكثير من الإبوذيات، والعتابة وغيرهما.
[هذا بياضك لو ثلج] نص غنائي جديد، ينتمي للنصوص الشعرية الغنائية الحديثة، فيه الكثير من "الشغل" والفنتازيا، واللعب باللغة، إذ تبدو جمالية اللغة الغنائية لامعة، وظاهرة بوضوح. إنه نص شعري مديني، يستحق أن يكون أغنية ذات مواصفات فنية وجمالية متقدمة، واليكم النص:
هذا بياضك لو ثلج نازل على روحي
وإمنين أجيت وفرهَدِت من بين أديٌ روحي
أضُمَك وين ..... ما أقنَع
إتغافل نفسك وتطلع
ما أثِق بيك إذا ترجَع
مو بس بيك .... ما أثق حتى أنَه بروحي !!
* * * *
جرَّبتك وما جَربَّت، شوگي بلا شوگك
ما دام شلتك بالجفِن .. من يگدر إيبوگك ؟
أضُمَك وين من عندك
إنت، وعاذلك ضدَّك
لا شباچ ونسدَّك
ولاروحك تبطِّل صدِگ.. وتعوف إلي روحي!!
* * * *
گدَّرِت طولك ، والشعَر ، وعيونك ، وخصرَك
وما أدري بيش أنشغَلِت .... ما گدَّرِت صبرَك
أضُمَك وين من عندي
ودَّك مو مثل وِدي
عشِگ يُگضي ... وعشِگ يبدي
وأنت مثِل ثلج الجبل .... صيف وشِته بروحي
هذا بياضك لو ثلج نازل على روحي ؟
وإمنين إجيت وفرهدِّت من بين أدي روحي؟
إبوذية وإبوذية:
في حلقة هذا الاسبوع من [مواويل وشعر] عدد من الإبوذيات الجميلة التي نقلت عن الشاعر الراحل عبد الصاحب عبيد الحلي. وشاعرنا الحلي من مواليد محلة جبران في محافظة الحلة، له دواوين عديدة، وآلآف المنظومات الشعبية في مختلف الأوزان، والبحور، والأغراض. وله قصائد وطنية كثيرة، كما له مساجلات شعرية في مجال الإبوذية، والزهيري، والقصيدة. ولعل ابرز واشهر مساجلاته كانت مع الشاعر اللامع المرحوم عبد الحسين صبرة، والمرحوم محمد الرشادي، والمرحوم عبد الحسين أبو شبع، والمرحوم هادي القصاب.
ندعوكم للاستماع الى الملف الصوتي للبرنامج لان فيه الكثير من الإبوذيات، والعتابة وغيرهما.
