[عشگ مندائي] أغنية في ألبوم المحبة العراقية

لكنَّ الملفت في الأمر اليوم، أن شاعراً مسلماً حمل قيثاره السومري، وراح يتغنى بعراقة الصابئة المندائيين، وينشد لعراقيتهم، وتضحياتهم الوطنية الكبيرة، فكانت قصيدة [عشگ مندائي] عذبة للشاعر فالح حسون الدراجي. واليكم نصها:

بترابك أطيب وأَبرَه من دائي
لأن حبك شفائي، وعلتِّي ودائي
عراقي، ومستحيل أگدر بدونَّك
ألف موته أموت وما أخونك
هَم شايف عشگ بيه خان مندائي؟

***

أنَه ودجلة إنولدنَّه وفد سِوَه أربيتَّه
سِبَح بيَّه الفرات بمايه وبطينه
غزلت برمش عيني خيوط شمسه
وأنَه البيدي صِغِت نيشان عِرسَه
وعلى إچفوف العراق النقِش مندائي

***

لأن إنت العراق، وعِشِتَ أنه بخيرك
أموت وما أحب محبوب غيرك
وإذا ما تدري..إسأل غيري عني
أنَه بحلگ المنايه، وبيك أغني
ومن غير العراق ش إلَّه المندائي؟
على أعواد المشانق ألف مندائي
إذا أشوفك أطيب وأبره من دائي
لأن حبك شفائي وعِلتي ودائي